Dabuhkonma dirim, hutatang pe ho!
Adong ma sada na ijia sahalak dakdanak. Marumurma ambia on hira-hira 4 taun. Ambia on ningku halani dalahi do bana. Tar pala a nian 10 menit ia manorihi Bapani dob puho ia salpu modom.
Das ma bana bani sada ianan dohor i pudi ni rumah sidea. Adong do sada i jai gudang i toruhni tanoh. Ai adong sada andarvetek-etek do hansa boi dalan anggo sihol masuk hubagas.
Idiloi a Bapani ai piga-piga hali janah itangar Bapani ma sorani ai janah ibalosi.
“I jon do ahu, Ambia!” nini mambalosi.
“Tapi lang huidah ham”
“I jon do, Ambia hampit siamunmu do ahu sonari” balosni Bapa ai.
“Ai iidah ham au, Bapa? Tapi lang huidah ham ijin” nini ambia on use.
Halani somal do ai ge anggo adong sada inganan i toruh janah lang adong sungkup panorang i jai. urahando mangidah hun toruh marimbang hun datas mangidah hu toruh.
“Pa, dihut ma ahu hujin da? Lahou mangurupi Bapa ahu. Ai maraha ahu ijon, dihutma ahu, Pa” nini ambia on.
“Anggo sonai lumpatma hunjin hujon, hutatang pe holi ho” nini bapa ai use.
Tenger uhurni ambia on ilumpathon bana ma da dirini, lanjar itangkap iabing ma ia dob itatang bapani ai.
Anggo porsaya do hita bani Bapanta songon dakdanak on, taridah do ai bani pangabakta bei. Ai pe homa lang boi lang marondolan bani sadia bagas hita manandai janah itandai namatorasta bei. Sonai do age haporsayaon bani Tuhan in. Sadia bagas do itandai hita Ia? Porsaya bei do hita itandaiSi hita on? Ra do ganup hita manandai Jokowi, tapi pigama hita ra naitandai bana?
